Barrundiako Udala
Frontoiaren funtzionamendu berria
Urtarrilaren 20tik aurrera Barrundiako frontoiaren kudeaketa modu elektronikoz hasiko da funtzionatzen. Sistema berria txarteldun atezain automatikoaren bidezko sarbide batean oinarritzen da.
Txartela
Txartela udaletxean banatuko da eta 10 €-ko fidantza jarri beharko da.
Informazioa
Funtzionamenduari buruzko informazioa udaleko webgunean egongo da:
www.barrundia.eus
Informazioa udaletxeko tabloian eta Batzar Administratiboetako iragarki tauletan ere azalduko da.
Oharra
Badakigu hasierak zailak direla eta arazo edo zalantzak sor daitezkeela. Hala ere, sistema erabiltzen ikasi ondoren abantaila asko izango ditu. Edozein zalantza edo arazo izanez gero, udaletxera deitu eta laguntzen saiatuko gara.
Nola funtzionatzen du?
1. Erreserbak egiteko webgunea
www.reservainstalaciones.es/barrundia
2. Eguna eta ordua aukeratu
- Berdea: ordu guztiak libre
- Horia: ordu batzuk libre
- Grisa: ezin da erreserbarik egin
Libre dauden orduak berdez agertuko dira eta okupatuta daudenak gorriz.
Erreserba egiten ari zaren bitartean, hautatutako tartea laranjaz agertuko da.
3. Lagunak gehitu
Nahi izanez gero, zure lagunak gehitu ditzakezu haiek ere txartelarekin atea ireki ahal izateko.
Erreserba amaitutakoan, sistemak baieztatuko du eta ordutegia gorriz agertuko da.
Gogoratu: Erreserba egiten duenak ordaintzen du.
4. Frontoira sartzea
Sartzeko, zuk edo zure lagunetako batek baimendutako txartela eraman behar du.
Erreserba hasi baino 10 minutu lehenago sartu ahal izango zarete.
- Erreserba baduzu, atea irekiko da
- Erreserbarik ez baduzu, atea ez da irekiko
5. Argia piztea
Argi gehiago behar baduzue, barruko irakurlean txartela pasatu behar da.
- Hots bat entzungo da
- Tenporizadorea aktibatuko da
- Ordubetez argia egongo da
Sirena jotzen denean, berriz aktibatu ahal izango da txartela gerturatuta.
Gogoratu: Argiaren kostua aktibatzen duen txartelari kobratuko zaio.
6. Erreserba ezabatzea
Webgunean sartu, zure erreserbak kontsultatu eta nahi duzuna ezabatu.
Ohar garrantzitsua: Erreserba gutxienez 24 ordu lehenago ezabatu behar da. Bestela, kobratu egingo da frontoia erabili ala ez.
7. Fakturazioa
Udalak zure kontu korrontera bidaliko ditu fakturak.
- Egindako erreserbak
- Aktibatutako argi orduak
Gogoratu: Erreserbak fakturatuko dira erabili edo ez.
Galderak
Erreserba egin eta txartela ahazten badut?
Ezin izango zara sartu.
Horregatik gomendatzen da “nire lagunak” atalean jokalari guztiak sartzea. Haietako edozeinek ireki ahal izango du atea eta argia aktibatu.
Eta txartela galtzen badut?
Udalarekin harremanetan jarri txartela baliogabetzeko eta berri bat eskatzeko.
Ohar garrantzitsua: Erreserbak txartelari lotuta daude. Horregatik aurreko erreserbak ezabatu eta berriak egin beharko dira.
Eta pasahitza ahazten badut?
Pasahitza edozein momentutan aldatu ahal izango duzu.
- “Pasahitza ahaztu duzu?” aukeran klik egin
- Txartelaren zenbakia sartu
Beste edozein arazo
Hemen azaltzen ez den zerbait gertatzen bada, udaletxearekin harremanetan jarri eta laguntza eskatu.